منتديات خجلي - الاجازة الزوجية ، افكار لقضاء اجازة مع الزوج

انا هتكلم فى الموضوع ده عن يوم الاجازة و خاصة ان احنا دلوقتى فى اجازة العيد هاقولك ازاى تخلى تخلى جوزك فى الاجازة يعملك الاكل و يغسل المواعين و الهدوم و يعيشك زى الهانم هههههههههه بهزر طبعا مش للدرجة دى يعنى لا انا هاقول على فكرة حلوة اوى و انا نفذتها الحمد لله

الواحدة لما جوزها ياخد اجازة و يقعد فى البيت يوم تلاقى كده النكد اشتغل لوحده اعوذ بالله من الشيطان

الرجيم صلى على النبى - صل الله عليه و سلم - الفكرة انك هاتشارك جوزك فى الاكل انا هاقول اللى عملته

هاتيجى يوم الاجازة و تفكر فى اكلة حلوة جوزك بيحبها مثلا الجاتو هاتجهز المكونات و كده و كل الحكايه

هاتخلى جوزك يساعدك يعنى بدل ما تضرب البيض فى المضرب تقول لجوزك يا حبيبى ربنا يخليك

خد اضرب الصفار ده كويس اصل لازم يضرب جامد و انت اللى ها تعرف انا مش هاعرف ماشى

المهم صلى على النبى انا عملت الكيكة و حطيتها فى الفرن الكلام ده كان بعد الفطار

بعدين لما جيت زينت التورتة اخدت رايه و كأنى محتارة و هو اللى قاللى احط الكريز و لا كيوى

و هو اللى زينها كمان و بعدين هو اللى قطعها و كان يوم جميل اوى اوى اوى و يا سلام بقى لو ولادك صغيرين هاتلاقيهم جايين يلعبوا معاكوا و يحطوا و يشيلوا و هايبقى جو عائلى حلو اوى

انتوا فهمتوا قصدى انا مش عارفة اوضح بس الفكرة انك تشارك جوزك حتى لو كانت حاجة بسيطة

زى الاكل و انت ذوقك و ذوق جوزك فى الاكل بقى
و اللى عايزة تجرب تجرب و على مسؤليتها هههههههههههههه

الحكاية كلها انى بحب جوزى يبقى معايا فى يوم الاجازة مش يشتغل بعيد عنى و هى تجربة

لذيذة اتمنى انى افيد و لو واحدة بس عشان اخد حسنة و ربنا يتقبل ياريت الفتوكة اللى يعجبها الموضوع تقوللى جزاك الله خيرا و تقيم عشان اكبر عدد يقراه