|
ما ابغى اصير رجال
علمي بهـا بأيـام سـن الطفولـه
عهد البرائه والغلا بيـن الاطفـال نلعب ونمـرح وانتلاقـا بسهولـه نتبادل الضحكه على كـل الأشكـال لـو اتأخـر يـوم جتنـي ذهولـه يسوقها لـي الغـلا دون مرسـال حتى منامي بعض الأحيـان حولـه متعودٍ معها على الضحـك وجـدال بالليـل اخوّفهـا ولاهـي زعولـه تقول ماني خايفـه وانـت حيـال لاقلت جاك الذيـب جتنـي جفولـه وليا اشبكتني قلت ياعمري ظـلال وكم مرةٍ قلـت ادرسـي ياكسولـه تضحك وتعفشني تقول انت محتـال ماني سواتك وتحسبنـي مهبولـه شطّوره ولابي مثل غيـري هبـال وكـم مـرّةٍ مثّلـت دور البطولـه افزعلها واسوّي سـوات الأبطـال كل ماأشتكت من طفل زوّد فضولـه ابهدلـه واعطيـه كـفٍ ليـاعـال كبرت وصارت نور عيني خجولـه واصبح وجودي حولها يسبب اشكال قالت تضل النفـس يمّـك ميولـه واشفق لشوفك يابعـد كـل الأزوال والله ماني مـن وجـودك ملولـه لكن بلاي بعينهـم صـرت رجـال زولك طويل وصعب حولي قبولـه ومرات اشوفك تلبس شماغ وعقال ترى الأهل راحو لبـوك وشكولـه وادري المفارق بيننا فيـه غربـال والله مهمـا حاولـو أو حكـولـه تبقى الحبيب اللي له القلـب ميّـال ياما منعني والـدي عـن وصولـه وياما على ضهري عطاني من عقال قال الغلا له حد واعـرف اصولـه واللي مثل سنّك يصيـرون عقّـال مايدري ان العقـل صعـبٍ حلولـه واجسامنا تنبض بها قلوب جهّـال وشفيك يادنيـا مشيتـي عجولـه كم ضاع بأسبابـك أمانـي وآمـال من بعد ماكنت انتظر شوف زولـه قامت تبكينـي صورهـا والأطـلال الروح صـارت بالفـراق معلولـه وصار الغلا لصويحبي حب بهبـال ياحظ منهـو فـي حياتـه ينولـه ملاك بعيوني علـى الأرض تختـال جاهـا حظيـظٍ غيـري ووافقولـه وتحطمـت بقلوبنـا كـل الآمـال راحت بعيد وصارت بغيـر دولـه لكـن غلاهـا بالحشـا حـي لازل ماطاع قلبي فـي غلاهـا عذولـه ولايمكن انساها ولا أطيـع عـذال ليت الزمن يرجـع بنـا للطفولـه وابقى طفل . ماودّي اصير رجّـال |
رد: ما ابغى اصير رجال
بسم الله الرحمن الرحيم
صح لسان الي كاتبها والله يوفق الي نقلها تقبل مروري اخوكـ الـــ غ ـــآمـــض |
رد: ما ابغى اصير رجال
بقمه الروعه واحساس البرائه يالها من ايام رائعه ايام الطفوله تشدو باعذاب المشاعر البرئيه الخفيفه التي لاترمي لشي احاسيس رائعه تناثرت هنا وراقت لي كثيرا تقبل مروري وانا بانتظار مزيدك مودتي |
رد: ما ابغى اصير رجال
كل الشكر
لكم علا مروركم الرائع تحياتي,,,,,, الدبلوماسي |
رد: ما ابغى اصير رجال
مشكور
أخوي على القصيدهـ الرووعــه دمت بخير |
رد: ما ابغى اصير رجال
مشكور اخوي على القصيده الجميله وبعنوان لائق لها
تقبل مروري |
رد: ما ابغى اصير رجال
صح لسانك ياأبن الاجاويد. { أيا ليت الشباب. يعود يوما فاخبره بما فعله المشيب }
|
رد: ما ابغى اصير رجال
ياما منعني والدي عن وصوله وياما على ضهري عطاني من عقال تسلم يمينك ولا هنت يالغالي كسر اهون من جرح |
| الساعة الآن 03:55 AM. |
المواضيع المكتوبة في منتديات خجلي لاتعبر بالضرورة عن رأي الإدارة وإنما تعبر عن وجهة نظر كاتبها