عشقك حلال

السالفه : شاب موظف بديره بعيده عن اهله ولا يقدر يجي الا وقت الاجازه وصي اهله قال لهم ابي بنت كشخه حلوه مرره لي خويي ودي يوم اعزمهم ابي حريمهم ينهبلن من جمالها ابيها مزييييونه مره
المهم قامت امه واخواته تخيرو بنت طبعا الحريم تعرفونهن يتمصلحن بالجيزات بعيد عن طلب الولد لان عندهن فكر اذا نام مع العروس خلاص ينهبل معها وينسي طلبه المهم ليلة دخلته ناظر بالعروس الا ماهي طلبه مامن زين بس البنيه مملوحه يعني مهنا بياض ودلع وغنج والكلمات اللي يسونها بعض البنات
قال يا بنت الناس ترى ما عجبتيني امي واخواتي غشوني ابي اطلقك بعد شهر حتى ما يقولون الناس فيكي عيب
سافر يم ديرته اللي بوظيفته صادف رمضان والناس صايمين عزم خوياه لان عندهم علم انه تزوج ومن غير نفس جاب الرجال يوم الفطور عنده الطلبات من ضمنهم الذبيحه قال لها يله اطبخيها وسوي فطور زين فهمتي وطلع لافي جوال بوقت السالفه ولا وسيلة اتصال نسى الرجل الغاز معه بالسياره ولانه ما يدني يشوفها طير عقله الشيطان وراح للعمل ولا جاء الا قريب الفطور ومع بعض الفاكهه واشياء ثانيه متفقين عليها قبل الفطور بنص ساعه يوم حط اغراضه الا يشوف اسطوانة الغاز معه بالسياره قال يا ويلي ويا فضيحتي من اليوم وخوياه يدقون عليه ياكدون حضورهم على طول راح البيت مفجوع يبي يشوف وش صار مع الحرمه
من دخل درت انه توه عرف ان الغاز ناسيه قالت لا تخاف فطورك جاهز وسويته قال كيف قالت قمت على كل بيبان البيت والشبابيك وطبخته فطورك بالحوش على الخشب والذبيحه جاهزة وكل شي
وهو يحبها على راسها ويحلف انه ما يطلقها ابد

يالربع الحمدلله اللي قضت السالفه ما جت تخلص