وشلون ابنسي

الله ليت الليالي ترجع تعيدنا وتنسانى ورى
نضحك وننسى ونرسم فرح بدال الاهات
نفرش سجاد الفرح بدربنا ونذوق طعم الكرى
والعين تفارق دمعها وتخاوي الفرح من كل الجهات
ماكان منا اللي بكى وحظه تعثر وارتكى
ومازاد التهاب الجرح ومن صمتنا جرحنا اللهات
لا الدمع يغسل همومنا ولا ندري وش اللي جرى
مدري الزمن تعثر مثل العمى اللي خطاويه تاهت
تكفون وش حيلة اللي رجع وحظه قعد له واتكى
لا الجو جوه والصمت يخاويه ونسى معاني المفردات
مايجرح القلب غير الحروف اللي تحسها وماتنحكى
ولا جرح فاح وصاح وماحوله صوت الا السكات
لامن أظلم الليل جت الهواجيس مثل ضيفاً لفى
اقلطها في صدر مجلسي واقهويها من الصبر جرعات
واسامرها علّها تهديني من الحروف لامن وقتي قسى
وتودعني على أمل لقاء وادعي لها اسأل الله الثبات

المصدر: منتديات خجلي - من قسم: شعر - قصائد - قصايد صوتيه - همس القوافي - قصائد الشعراء