منتديات خجلي - عرض مشاركة واحدة - جنوني لو تحسه يوم تعيش العمر في رجواه

جنوني لو تعرفه يوم .. جنون الطفل في ملهاه
جنون(ن) ينسف الدنيا بصرخة من تعابيره

جنوني لو تحسه يوم تعيش العمر في رجواه

جنوني نبعك الصافي .. تذوقه مع تباشيره

جنوني هو هواك وعشقي اللي عشت انا وياه
كتبته للبشر قصه .. كتبته للهوى سيره

جنوني شوق يغرق بي على شاطي بحر دنياه
أعيش الحب في صبحه .. وفي ظلمة دياجيره

أحبك كثر مايملك عزيزين الشرف والجاه
أحبك موت ياقلبي .. أخاف أموت من الغيره

بدوية .. غيرتي عميا .. تهد القلب ثم تنعاه
أموت .. أحيا على حبي .. واسامح في معاذيره

أحبك كثر ما يطري على العاشق طواري الآه
وأحبك كثر ما يرقب نجوم الليل سهّيره

أحبك كثر ما يبكي حزين(ن) فاقد(ن) مضناه
فقد صبحه .. فقد ليله .. فقد طلة تناويره

ملكت الروح هي والقلب ياجرح القلب ويّ دواه
عجزت أوصف غلا عمري .. عجزت أرسم تصاويره

غرامك يسري بعرقي .. يوقف نبضي ويرعاه
ومالي حل كود أقول الا ياربي الخيره

عساني مانحرم وصلك..عسى روحي قبل فرقاه
تروح برحمة الوالي .. .على سنة تدابيره