منتديات خجلي - عرض مشاركة واحدة

فمان الله

فمان الله يا ذكرى الغرام وما مضى يطوى
طويته مثل ما تطوى سفينة حزني شراعي

غدآ للدمع من عقبك بعيني غبشه ومضوى
بعد ما راحت اوراق البريد وغادر الساعي

تذكرني الاماكن فيك واشتاقك تعب واخوى
على بحة حكاك وضحكتك يا سيد اوجاعي

ما اذكر يوم ناديتك وردك كان لي ايوى
تلبيني لو انك ضايق وتلتف ف ذراعي

تغامني وخذني ضامي للوصل ما يروى
تكلم يا بعد كل العرب واطرب لي اسماعي

اذا حبك بلى روحي هلا بالعشق والبلوى
اجوع لشوفة عيونك ولا انت بقادر اشباعي

ابيك واعشقك واشتاق واغار بشغف واهوى
محطات الغرام وكل لقيا هزة اضلاعي

يعومسني غيابك كل ما هب اهوى علوى
وكلامك مفرداتك اثرت فيني وفطباعي

عليه بالحرام اني بغيت آموت بس اشوى
عقب ما ضاق بي حزني وقمت آرتب اوضاعي

يقولون الدموع اضعف واقول ان الوداع اقوى
إلى قد عينه بعيني ولا جاء إلا لّوداعي !!

يضيع الحكي ولساني من حبال القهر يلوى
انا في حلم ولا علم يا قلبٍ مهوب واعي

لو ان بعدك مرض يمديني احمي الميسم وتكوى
جروحٌ من جنابك يا الوليف ومالها راعي

رفيق العمر وجروحي كبار وما بها ملوى
تبي تقنعني بظرفك ولا لا تحاول اقناعي

ما اقول إن العمر من دون وصلك صار ما يسوى
اقول ان الحياه بكبرها ما لأمها داعي ..