عذبة الاحساس

رحت عنّي قصدك انساك..؟!..
...لا لا ورب البيت ماني بناسيك
..
لين الممات اوعدك باعيش ذكراك...
...وتروح روحي بس ما راح طاريك
..
يا كيف بنسى فرحتي يوم لقياك..
...جيتك وانا قلبي بشوقه يناديك
..
اتخيل اعيونك وبسمة ثناياك...
...وتسبقني اشواقي بلهفه وتناهيد
..
ويا كيف بنسى ضحكنا والحكي ذاك...
...وازعل عليك شوي وارجع اراضيك
..
وتزعل علي واقول يا زين وش جاك..
...ثم اعتذر واقول بالروح بفديك
..
ويا كيف بنسى دمعتك يوم فاجاك...
...ذاك الخبر وانا دموعي تواسيك
..
وعايشت انا حزنك وعايشت بلواك...
...وعين بكت حزنك وعين تباكيك
..
ويا كيف بنسى يوم حققت منواك...
...وبشرتني ثم جاك قلبي يهنّيك
..
وكتبت لجلك نبض قلبي وهنّاك..
...في فرحتك لحروف كنها تغنّيك
..
ويا كيف بنسى وقفتك جنب مضناك..
...في ضيق دنيايه بجنبي الاقيك
..
واسمع خفوقك كنّه يقول ماباك..
...مابيك تضعف والعواذل حواليك
..
عهد/ن علي منساك منساك منساك...
...وتروح روحي بس ما راح طاريك