منتديات خجلي - عرض مشاركة واحدة - فكرت بالدنيآ اثر ماهي بشي

فكرت بالدنيا وأثر ماهى بشي
مدرى علام الناس تركض وراها
●●

من خلقت الدنيا لأيامنا ذي
والناس تطرد رزقها ماكفاها
●●

مافيه بالدنيا ولاكاينن حي
الا يموت وعايش(ن) فى رجاها
●●

حتى النبات إن زاد زراعته ري
قامت تخزن فوق حاجت ضماها
●●

ماقول انا ماطمع نعم فالطمع في
انسان مثل الناس واطمع معاها
●●

لكن حشى ماطمع بشئ(ن) مهو لي
ارفع قدر نفسى وأبين غناها
●●

راضى بمقسومى ومرتاح في
ماشقيت نفسى فالسموم وهواها
●●

حيث الممات بيطوى نفوسنا طي
يبقى الجسد والروح ترفع سماها
●●

والدوده اللى بالجسد تاكله ني
كانت بوسط احشاه صار بحشاها
●●

هذى هى الدنيا وذا فعلها السي
قليل تلقى زاهد(ن) مابغاها
●●

تتعاقب الاجيال فيها وهي
جيلن يودعها وجيلن لفاها
●●

أحدن أخذ حقه واخذ فوقه شوي
واحدن يموت وسكته مابداها