منتديات خجلي - عرض مشاركة واحدة

رفيق الدرب
منهو يحس بلهفت الشوق الي خليته

منو يوقف وياي اذا وقتي تحداني
منهو يداوي جرح قلبي الي مريته
منهو يعين القلب اذا الحرمان خاواني
من يوم شفته حبيب الروح سميته
مسكنة وسط العيون مابين اجفاني
هو حبي الاول هو كل فرح غنيته
هو السعاده الي عليها الحب وداني
مجبور على الفرقا وشوفه تمنيته
ادري قسيت وياه وصار وحداني
واليوم بعد طول غياب ياناس جيته
واشوف طيفه قبل لا اوصله تلقاني
واخذت طيفه بين الاحضان ضميته
ودمع الفرح شفته يعزف الحاني
وهمست بصوت الوله يافلان ناديته
تعال امسح من على خدي احزاني
رجعنا لمحبتنا والهجران عديته
وقمت اغفى بقربه وتغطيه جنحاني
انا ماتبت عنه ولا بيوم مليته
ولا اظن حبيب الروح بيوم ينساني
هويته اكثر من الناس واغليته
وصار اقرب علي من ربعي واخواني
شربت حبه مني صغير وتقهويته
وصار حبه رفيق الدرب يفداني