ادخل

دلوعةالشرقيه

و ش اسم امك . . ؟
بصراحة انا من زمان ومن يوم اني بزر ( يعني صغير ) وانا ما أدري ليه كثيرين يتضايقون من ذكر أسم امهاتهم خخخخخخ من أي واحد يقول اسم امهاتهم وعيب ويا ويله ويلاه من يتجرأ ويقول اسم امهم . . .

في أحد الصيفيات رحت للجوازات ابي اطلع جواز سفر :36_7_15: . . واروح بالسيارة في عز هالقوايل ( يعني حزة الظهر ) واروح لمبنى الجوازات . . واعبي كل البيانات واجلس امسك سرا وانتظر دوري . . احتري رقمي يطلع . .
اخيرا وبعد فترة وبعد جهد جهيد جا رقمي وافز واقول . . دوري . . دوري واجيك نافخ صدري واطالع بالضابط . .
ويقولي الضابط : عطني الملف والصور . .
انا : سم طال عمرك . . الله يخليكم لنا ان شاء الله . .
الضابط : وين الصور . .
انا : خذ هذي هي . .
الضابط : وليش مو كامله . . ؟ وليش اذانك طالع نصها بس . . ؟
انا : وش اسوي عاد أذاني مشنترات كنهن صحون دشوش . . ! انتم طالبين 4 × 6 وبصراحة عجزت اعفط فيهم مع المصور ولا جت معنا . . ويالله بالعافية ما طلع الا نصها بس هذي صوره ثانية كاتب عليها ( يتبع ) الاذان . .
الضابط : تستخف دمك هالحين . .
انا : لا اقص قصتي مع الصورة ( امممعععقق ابلع ريقي )
الضابط : طيب وش اسم امك . .
انا : لا ياشيخ . . ؟ طيب علمني انت اول وش اسم امك وبعدين اقولك . .
الضابط : ( طالعني بعين قوية وانا ابولع بريقي ) . . (امممغغغغغققق ) اقول وش اسم امك . . لا أرمي هالملف بوجهك الحين . .
انا : يؤ . . ليش طيب هي اللي بتسافر والا انا . . وش دخلكم بامي . . والله قلة ادب . .
الضابط : بتقولي والا ضف وجهك يالله . .
انا : لا خلاص اسمها . . ( واتلفت يمين ويسار .. وسكت ) . .
الضابط : وش فيك سكت . . ؟
انا : اصبر خل الهندي اللي معه شاهي يمر بس . . لا يسمع بعد هو أسم امي . . والله قهر عاد !! اسمها نوره . .
الضابط : اخيراااااا الله . . ؟ إللي يسمعك يقول باسكال هالحين . .
انا : وش تقول . . ؟ لالالا ولا شي . .
عطاني الملف وانا اضحك تدرون ليه . . ؟
لاني لعبت عليه ما قلت له اسم امي الصدقي خخخخخخخخخخخخخخ . . ؟
وطلعت وقالي رح للحاسب الالي دقق المعلومات . . واروح وامسك سرا . . والله زحمة . . ويوم جا دوري جلس يدقق على الجهاز وانا مغطي اسم امي باصبعي الكبير . . قال لي الموظف . . وين اسم امك . . ؟
قلت : وليه . . حتى أنت بعد . . ؟ والله فضحتونا . .
قال : يا خوي المعلومات ما هي متطابقة مع بطاقة العائلة . . اسم الوالده متغير . . ارجع للضابط وعدلوا اسم امك . .
انا : وليه والله حاله كل هالتعب وارجع مره ثانية . . ؟ والله الفشيلة وش ابقول للضابط هالحين . . ؟
وصلت للضابط بعد ما مسكت سرا ثاني . . ويوم جا دوري . .
قال الضابط : هااه وش جابك بعد . . ؟
انا : ابد عدل اسم الوالده بس . . ؟
الضابط : ليه مو صحيح . . ؟
انا : بصراحة لعبت عليك هي اسمها مزنة . .
الضابط : طيب وش حادك على الكذب يا خوك . . ؟ من زين امك عاد . . ؟
انا : لا يا شيخ . . احسن من امك . . ؟
وعطاني الملف وجلست اقراه ادقق . . وجا بعدي واحد وقاله الضابط : وش اسم امك . . وقال له الرجال . . مزنة . . !
واللتفت عليه وقلت له : تطنز ( يعني تتريق ) انت ووجهك . . ؟ ( احسبة يتكلم عن اسم امي ) وامسكة مع رقبته ومع ياقت ثوبه وارفعة شبرين عن الارض وقلت يوم انك تعرف اسم امي وراك تطنز قدام الله وخلقة . . ؟ واشوته بوز مع بطنة . .
ويقوم الضابط ويصكني بذاك الكف وطير كل الاوراق اللي معي وهو يقول : انهبلت . . ؟ يا خوي اسم امه مزنه زي اسم امك وش دخلك بالسالفة . . ؟
وانا جالس ادور اوراقي ما ابي احد يشوف اسم امي . .
ويصكون الشعبة ويجون الشرطة وياخذوني للتوقيف . . واجلس يحققون معي ويقولون وين اوراقك . . وانا ازاعق واصارخ للي تحت . . وأقول : بذمتكم اذا احد شاف اسم امي . . ؟ ويجي الهندي وهو شايل الاوراق . . قلت : والله قهر حتى هالهندي شاف اسم امي . . ؟والله واطلع من الجوازات لاجواز ولا يحزنون . . بس بصراحة ليه كثير ينحرجون من ذكر اسامي امهاتهم . . ؟
عموما انا واحد افتخر باسم أمي حتى بجواز سفري مكتوب . . اذا انت ياللي داخل بتقرأ الموضوع ماتنحرج . . قل ه . .

المصدر: منتديات خجلي - من قسم: نكت - ضحك - الغاز - وناسة - فرفشة - مواقف مضحكه

يورفذفلي

هههههههه
حلوووه القصة ورايقة

بس انتي وشو اسم امك

انا اسمها ليلى

مانتحرمش
دلوعه

وشكرا لا ايلك
طرح رايق كمن طرحه

يورفذفلي

هههههههه
حلوووه القصة ورايقة

بس انتي وشو اسم امك

انا اسمها ليلى

مانتحرمش
دلوعه

وشكرا لا ايلك
طرح رايق كمن طرحه

مناوي الشرقيه

هههههه
حلوه أنا اسم أمي منيره

مناوي الشرقيه

هههههه
حلوه أنا اسم أمي منيره

دلوعةالشرقيه

تسلمون على الردود
أنا بكل فخر أقول اسم أمي اسمها
نجلاء
عيدي اسم لا يؤدي ولا بيجيب

دلوعةالشرقيه

تسلمون على الردود
أنا بكل فخر أقول اسم أمي اسمها
نجلاء
عيدي اسم لا يؤدي ولا بيجيب

جحــود!!

عآشقه

اسم امي

مها

وافتخر باسم امي

ومشكوره عالموضوع

دلوعةالشرقيه

يعطيكم العافيه على المرور
يسلموووو ولي ما يقول اسم امه بعزل

دلوعةالشرقيه

يعطيكم العافيه على المرور
يسلموووو ولي ما يقول اسم امه بعزل

همس الود

يعطيك العافيه دلوعة
اسم ماما نوووف

همس الود

يعطيك العافيه دلوعة
اسم ماما نوووف