6 - 5 - 2012, 12:24 AM
|
#1 | ||||||
|
Riita Des
• مشرفه سابقاً •
 |
رحلتي الى اسبانيا
[TABLE1="width:95%;background-color:black;border:6px groove white;"] | [/TABLE1]السلام عليكم ورحمه الله وبركاته [TABLE1="width:95%;background-color:black;border:6px groove white;"] كيفكم آل خجلي الخجلانيين ان شاء الله تمام التمام اليوم حبيت اعرضلكم صور رحلتي لأسبانيا وقضيت فيها احلى ايام عمري وكانت رحله جميله وحاسه انها مارح تنعاد لا في اسبانيا وفي غيرها المهم الله كريم نبدا بالصور هذا اول ما وصلنا للمطار حتى المطار خقه احلى من مطاراتنا في السعوديه تجنن صار ودي انام هناك جمب الناس المتمديين يستنو طياراتهم تقلع زوجي الفي الصورة  واول ماوصلنا للفندق في نص شار الراملا << اشهر شارع في برشلونه دخلنا الفندق وحطينا اغراضنا وجلسنا شوي وبعدين نزلنا علطول والفندق قريب من هذا التمثال الفي الصوره طلعا هو مو تمثال حقيقي هذا مجرد انسان موسوي كده في نفسه واذا حطيتله فلوس قدام جره يتحرك ويعمل حركات انا اول ماوصلت شفت وحده واقفه جمبه وتقلده بحركه وبعدين طلعت الفندق ويوم نزلت وقفت جمبه زي الصنم ولا تحرك وبعدين عرفت الحركه لازم احط فلوس عشان يتحرك ما اعرف كيف يكونوا محنطين كده ويستحملوا الوقفه جالسين يشحتوا بطريقه احترافيه ولما مشينا شوي قابلنا هذا الوحش نفس الحركه عشان يتحرك ويكلبشك زي البنت المسكينه بالصوره هذا هو شارع الراملا على جهته اليمين شارع تمشي فيه سياره وحده بس وبعدين عماير وفلل ومحلات ومطاعم ... والجهه اليسار نفس الشي وفي الشارع نفسه الفي النص في كشكات زي الفي الصوره تبيع حلويات وشنط واشياء زي كده ومحلات ايسكريم وفي ناس يرسموا بالفحم وناس يرسموا باصابعهم وناس يرسموا بالالوان << وكل انواع الفن واليغني و اليرقص وهذا ببسي من احد المطاعم الفي نفس شارع الراملا كنا ناكل بس باستا و بيتزا مارغريتا طلعت من عيونا بس الحمدلله على النعمه يااارب
وهذا أخر الشارع من جهه اليسار ولمى تمشي علطووووول رح تلقوا حدايق ونافوره وشغلات زي كده واشجار وناس تسترخي وهديك الجهه فيها القوارب والسفن البحريه وفيها شاطئ وفيها هذا البرج المشهور ما اعرف ايش اسمه وهاي القطارات التحت موجوده قبل البرج وبعدين البرح وبعدين شارع كبير نقطعه وتجي الحدايق والحركات الحلوه والمول العلى البحر موجود اخر شي كمان دخلناه وتغدينا فيه ماكدونالدز ماكنا نعرف شي لسى وكنا جوعانين وتعبانيين بس اكلناه بالدجاج مع انو الذبح كان حرام بس ماكنا عارفين شي لسى حتى ماك العندنا احلى من العندهم والجهه الثانيه لنهايه شارع الراملا نفس الشي بس هناك في باصات وقطارات فوق مو تحت وبدين زرنا >> الكامبنو << عشانخاطر زوجي يموت في الكوره و لازم لازم نزوره وهاي بعض الصور الملعب من كل الجهات اماكن المعلقين من الداخل جلسنا فيها شوي ونسولف مقاعد المعلقين من الخارج هذا حمام الاعبيين << وانتوا بكرامه الجاكوزي حقهم هاذي الكأووس حقتهم مرره حلوه وتجنن كراسي المدربين وفي يوم من الايام زرنا هاي الكنيسه اكبر كنيسه بالعالم ملسى جالسين يبنوا فيها زياده طبعا الدخول كان بفلوس وكان ولازم تدفع زياده عشان تطلع برج من ابراجها الاريعه وطلعناه باصنصير المدخل هاي شكلها من فوق ومن جوه وبعد ماطلعنا البرج هذا مشهد من فوق ولما نزلنا قررننا ننزل بالدرج بما انو طلعنا بالانصنصير والدرج كان مخيف الصوره مو واضحه كنت ارجف لانو المكان مره مرتفع مو واطي ابدا وفي اخر المقطع الحمدلله على نعمه الاسلام الربي وهبنا ياها اللهم ثبت قلوبنا بطاعتط قولوا آآمين وفي يوم ركبنا التلفريك مرره روعه مع انه مرتفع بس ماخفت ارتفاعه طبيعي مو زي الكنيسه استغفر الله اخذنا لمكان مره فيه خضره وكوفي ومطعم وجلسات حلوه وجلسنا فيه تقريبا ساعه او اقل ما اتذكر كم جلسنا بس اكلنا ايسكريم لانو كان باول الصيف الرحله بس الجو روووعه بعض المشاهد من فوق التلفريك طبعا الممشى الشايفينه مشيته من اوله لاخره من امتداد شار الراملا من الجهتين كان في اول يوم من الفرحه ماحسيت بالتعب ابدا لو اني ماشيه بمول في السعوديه كان تعبت وجلست ارتاح وفي يوم ركبنا القارب بدورين هذا الدور ال فوق والجلسنا فيه الدور التحت الدخلنا منه عشان نطلع فوق وهاي المي من ورى سببتها قوه الدفع عجبني شكل المي كتيير صوره اوضح فب اخر المقطع كانت رحله بحريه رااااائعه جدا مره جبيتها وفي وسط الرحله جت وحده من الطاقم تصور كل ثنائي او كل عيله صوره فوتغرافيه وحطوها بظرف جميل وعليه صوره بحر والمنطقه الركبنا فيها المركب اخر شارع الراملا وفي الاخير اخدنا الصوره وهاد صور لمعرض الاسماك كان في اسماك كثيييييره وانواع غريبه اول مره اشوفها وبطريق << اول مره اشوفه بس ما اعرف وين اختفت الصوره حقته بس اكثر شي عجبني وشد انتباهي سمكه تشبه شعار stc وسمكه قرش وسمكه قرش ثانيه سبحت فوقي والحين انا تعبت وفي صصور لسى ماعدلتها رح اكملكم ماربيا ومدريد بكره ان شاء الله لا احد يرد لين ما اخلص بلييز [/TABLE1]
المصدر: منتديات خجلي - من قسم: سفر - سياحة - رحلات - كشتات Travel - Tourism |
|||||
|
| مواقع النشر (المفضلة) |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| السياحه في اسبانيا , اجمل الاماكن في اسبانيا | صعب المنال | سفر - سياحة - رحلات - كشتات Travel - Tourism | 7 | 29 - 3 - 2012 07:35 PM |
| رحلتي لدوله الامارات | الذيـــــــــــيــــــــــب | سفر - سياحة - رحلات - كشتات Travel - Tourism | 9 | 29 - 3 - 2012 01:33 AM |
| رحلتي الشعرية الرائعة مع شعر الأمير خالد الفيصل 1 | د .عدنان الطعمة | شعر - قصائد - قصايد صوتيه - همس القوافي - قصائد الشعراء | 7 | 16 - 1 - 2012 10:02 PM |
| لماذا رحلتي قبل أن أعترف لك بأني أحبك | الراقي المميز | خواطر - نثر - عذب الكلام - خواطر حب - خواطر حزينة | 4 | 23 - 11 - 2011 01:03 PM |
| اسبانيا | فهد | سفر - سياحة - رحلات - كشتات Travel - Tourism | 1 | 18 - 8 - 2011 09:10 PM |
العرض الشجري